av 
For 30. år på rad heldt Fjellrosa 4H haustfest søndag. 19 medlemer stilte ut sine oppgåver og alle fekk godkjent arbeid.
Storsalen i Sunnylvsbygda grendahus var pynta til fest søndag. I den lange gangen stod utstillingane og arbeidshefta på rekke og rad, for alle medlemane i klubben hadde fullført sine oppgåver på beste måte.
Val av oppgåver hadde som vanleg stor variasjon også i år. Der var fleire om mat, baking og 4-H kokken, jakt og fiske, fotografering og om dyr.
Frank Øksvang er klubbrådgjevar A i Fjellrosa 4H og har med Jorun Trøen og Per Ingebrigt Karbø som hjelparar.
Øksvang er glad for at 4H-klubben framleis har mange medlemer og gjer det godt. Og Fjellrosa vil bestå, i dag den einaste 4H-klubben i Stranda kommune.
-Foreldre stiller på, det er kjekke ungdomar som er med og vi har det triveleg i lag med sosiale aktivitetar når vi samlast til møte seks, sju gonger for året.
No har vi berre junior og senior-medlemer så vi må jobbe for å få med også aspirantar. Dei kan starte i klubben som ni-åringar. Utan tilgang på unge vil det minke på medlemar, for når dei blir 18 år får dei plaketten som er den høgaste utmerkinga. Då sluttar dei.
I fjor kunne Liv Tone Tryggestad motta 4H-plaketten, og i år får Helge Kvam Karbø same utmerking, kunne Frank Øksvang fortelje.
Oppgåvene i år vart bedømt av lokale sensorar då fylket har bestemt å nytte sin omreisande 4H-instruktør til andre oppgåver.
Men May Britt Skjortnes var til stades på haustfesten og delte ut merke til 4H-arane saman med banksjef Stig Tryggestad frå Sparebanken Møre.
Skjortnes hadde sett på arbeida som var utstilt og det var som vanleg godt løyste oppgåver og fine utstillingar, sa ho.
Her er haustfestlista for Fjellrosa 4H 2013:
Vanja Trøen Frøysa Vi bakar bronsemerke
Birgitte Hellebostad 4H-kokken bronsemerke
Inger Ringdal Sæter Fritt val (geiter) bronsemerke
Terese Hauge 4H-kokken sølvmerke
Anne Grete Langleite Fritt val sølvmerke
Kathrine Øksvang Hund sølvmerke
Stian Frøysa Vi lagar leir gullmerke
Ottar Frøysa Hellebostad Småsnekkar`n gullmerke
Ole Iver Kjellstad Jakt og fangst gullmerke
Johanne Tryggestad Matstell fagskjold i bronse
Åsmund Nybø Vik 4H-fotografen fagskjold i bronse
Anette Frøysa Fritt val fagskjold i sølv
Irene Trøen Frøysa Fritt val (film) fagskjold i sølv
Lars Kvam Karbø Traktor fagskjold i sølv
Sigurd Kjellstad Jakt og fangst fagskjold i sølv
Nanna Frøysa Hellebostad 4H-kokken fagskjold i gull
Håkon Elias Kjellstad Kalven min fagskjold i gull
Inga Elise Nybø Vik Fritt val (USA-utvandring) fagskjold i gull
Helge Kvam Karbø Ku og kalv plakettnål
