Beitar i Bygdetunet
Perrock er kvit og brun og Rein er berre brun. Begge ponniane lever gode dagar i Hellesylt Bygdetun.
Andrea og andre unge og vaksne med etternamn Dyrkorn/Kjellstad på Haugen i Nibbedalen har hatt Perrock og Rein i fȏr i vinter.
Shetlandsponniane har god matlyst så i tillegg til høy, surfor og gras er mellom anna gamle brød ei delikatesse.
No beitar dei heimebøen i Hellesylt Bygdetun. Her reinskar dei fint etter sauene som beita der tidlegare i vår.
Perrock og Rein skal på Sommardagar på Hellesylt, fortel Andrea. Dei blir å sjå i sentrumsgata både laurdag og søndag.
Då blir det også høve til ein liten ridetur til rimeleg pris for den som har lyst, seier ho.