Fyrste langrennstrening

Fyrste langrennssamling. Framme frå venstre; Kristine, Sara, Markus, Ottar, Simen. Bak frå venstre; Anniken, Gisle, Hans. I bakgrunnen ved kai på Hellesylt, cruiseskipet MSC Poesia.

Fyrste langrennssamling. Framme frå venstre; Kristine, Sara, Markus, Ottar, Simen. Bak frå venstre; Anniken, Gisle, Hans. I bakgrunnen ved kai på Hellesylt, cruiseskipet MSC Poesia.

Skigruppa i Sunnylven IL hadde fyrste samling for langrenn torsdag 10. juli. Det blir nye rulleskitreningar kvar torsdag dei fyrste vekene framover.

Fredrik Stadheim  –  10.07.2014 20:01:39

Frammøte var ikkje det største på fyrste samling rulleski i fristil. Sju løparar stilte under instruksjon av klubben sin mest kjende dameløpar, Anniken Hjellbakk Hole.

Mellom unge talent som satsar på å gå fort til vinteren fann vi Kristine Hjellbakk Hole, Sara Sæther, Ottar Frøysa Hellebostad, Markus Norangshol og Simen Frøysa Hellebostad.

Stilte på i draga frå sentrum av Hellesylt til Stadheimfossen Camping og tilbake gjorde også Hans Hole og Gisle Aaland. Begge blir instruktørar ved seinare samlingar. Også Linn Kammen blir med i trenarteamet.

Økta på torsdag varte i 90 minutt. Det blir nye samlingar på rulleski kvar torsdag dei fyrste vekene, men også andre former for barmarksamling, som løping og turar i regi av friidrett/trimgruppa.

No var det fyrst og fremst teknikk som skulle terpast, kondisjon må kvar enkelt løpar passe på mest mogleg sjølve, sa leiarane under fyrste langrennssamling i Sunnylven IL.

Fredrik Stadheim

Fredrik Stadheim. epost: fredrik@hellesylt.info Telefon: 900 83 380