Nær fullsett på opningskonsert

  • doc_4191_2
    Elisabeth Andreassen i Sunnylven kyrkje.
  • doc_4191_14
    Ungdomskoret Joyful song med på slutten av konserten.
  • doc_4191_15
    Kristin Storstein song duett saman med Elisabeth Andreassen i "Waiting for the morning"
  • doc_4191_16
    Frå arrangøren overrekte Geir Frøysa gåve til Elisabeth Andreassen og blomar til leiarane for Joyful, Kristin Storstein og Oddbjørg Stadheim.

Tre minutt i 1985 endra mykje i livet mitt. Det fortalde artist Elisabeth Andreassen som fredag kveld gleda ei nær fullsett Sunnylven kyrkje med si vakre songrøyst.

Fredrik Stadheim  –  05.07.2014 08:48:04

Tradisjonen tru opna Sommardagar på Hellesylt med konsert i Sunnylven kyrkje. I år heitte artisten Elisabeth Andreassen, Grand Prix- vinnar saman med Hanne Krogh i 1985 og melodien «Bobbysocks». Saman med dyktige musikarar i Øystein Lund Olafsen og Tarjei Nystedt samla konserten nær fullsett kyrkje. Det vart ei musikalsk oppleving som fall i smak etter applausen å dømme.

I sin ljose sommarkjole med roser lik akantusrankar og med ei smittande utstråling tok Elisabeth Andreassen publikum med på ei reise i viser og andre populære låtar frå si lange, suksessfulle karriere. Det vart nitti minutt då vi gløymde at vi sat på harde kyrkjebenkar laga i 1859.

Elisabeth Andreassen song på fleire språk, svensk, norsk og engelsk. I konserten hadde ho med fleire frå ein av sine favorittkomponistar Rolf Løvland, og frå Evert Taub.

Høgdepunktet kom mot slutte i konserten. Saman med ungdomskoret Joyful fekk vi høyre flotte låtar, som «Rør vid min sjel» og «Waiting for the morning». Det klang i den gamle, høgreiste kyrkja, noko som publikum takka for med ståande applaus og fekk vakre «Gabriellas song» tilbake.

Frå arrangøren fekk Elisabeth Andreassen overrekt eit saueskinn med inngravert namn i gåve, lokalprodusert på Ljøen.

Rundt 260 betalande fekk med seg opningskonserten og eit feiande punktum med Grand Prix-låta  «La det swinge».

Ungdomskoret Joyful song med på slutten av konserten.

Kristin Storstein song duett saman med Elisabeth Andreassen i «Waiting for the morning»

Frå arrangøren overrekte Geir Frøysa gåve til Elisabeth Andreassen og blomar til leiarane for Joyful, Kristin Storstein og Oddbjørg Stadheim.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380