Planlegg ny avkøyrsle til Langøylia
Langøylia Hytteforeining søkte tidlegare i år om ny, sikker avkøyrsle frå FV 60 til hyttefeltet i Langøylia i Sunnylven. Statens Vegvesen ser positivt på flytting av avkøyrsla.
Fredrik Stadheim – 15.08.2014 14:19:03
Kommunalsjef plan- og utvikling i Stranda kommune, Steinar Belsby sende i juli brev til Statens Vegvesen for uttale.
-Dagens avkøyrsle ligg trafikkfårleg til i ein sving og med svært lite fri sikt og stigning på vegen mot vest. Vegen til Langøylia er i dag kommunal og Stranda kommune ynskjer å legge forholda til hyttefeltet for av og påkøyring til FV 60 betre og sikrare, skreiv Belsby.
Han ba om uttale frå Statens Vegvesen på forslag om å opparbeide ny avkøyrsla i same område som avkøyrsla til skytebana i Hyttehola.
Statens Vegvesen har sendt sin uttale til Stranda kommune. Dei ser positivt på at eksisterande avkøyrsle vert stengt og ny etablert som skissert frå kommunen.
Tilbakeping: Vil flytte vegkryss til Langøylia hyttefelt – www.hellesylt.info