Lag nye pepperkakehus

Klarer vi å lage enno større utstilling av pepperkakehus i år enn tidlegare? Invitasjonen går til alle store og små byggingeniørar.

Det blir utstilling av pepperkakehus også i år i samband med julemesse og juletombola på Sunnylven samfunnshus 29. og 30. november.

-Vi ønskjer oss mange flotte byggverk av alle slag, så finn fram bakelyst og kreativitet og gå i gong med bakinga.
Lever inn ditt bidrag på samfunnshuset laurdag 29. november frå kl. 10.00 -14.00, skriv initiativtakarane bak den årlege utstillinga av pepperkakehus.

Søndag før julegrantenninga blir det premiering etter loddtrekking av tre som har deltek med byggverk.
Etter søndag skal pepperkakebygga bli utstilt i Sparebanken Møre fram til det nærmar seg jul slik at mange kan sjå dei der også.
Alle byggverka må vere henta av eigarane i banken innan 19. desember.