Lions Røde Fjær-aksjon i februar
«Mitt val» er mottoet for Lions Røde Fjær-aksjon i år. Lokale Lionsklubbar på Stranda og Hellesylt er med.
Lions Røde Fjær har som mål å samle inn minimum 30 mill. kroner i år. Pengane skal gå til førebyggjande arbeid for born og unge i Norge gjennom barne –og ungdomsprosjektet Mitt Val. Både LC Stranda, LC Embla Stranda og LC Hellesylt støttar opp om Røde Fjær- aksjonen.
Mitt Val fokuserer på å byggje sjølvtillit og god oppførsel i tillegg til å lære born å ta ansvar, sjå konsekvensar av eigne haldningar, kommunisere, mestre og utvikle evner til å ta gode val.
-Det er betre å byggje born enn å reparere vaksne-, er slagordet for aksjonen som går i veke seks, 2. til 8. februar.
Lions Club Hellesylt blir aktivt med i innsamlinga, seier medlem Olga Taraldset. Ho er innvalt frå sentralt hald i aksjonsgruppa for «Mitt val». Ho fortel at LC Hellesylt har oppretta ein eigen konto i Sparebanken Møre der ein kan betale inn sine gåver, eller ein kan gje pengar i bøsse når skuleelevar kjem rundt i innsamlingsveka.
Endre Frøysa er president i LC Hellesylt. Klubben har runda 30 år har no 12 medlemer.