I Sykkylven, Nordal og Stranda er eit større prosjekt med merking av hjort i gong.

Prosjektet «Sunn hjort» er eit samarbeid mellom kommunane Sykkylven, Nordal og Stranda og blir utført av Bioforsk. I fjor vart det merka 8 dyr i desse kommunane, i vinter er målet å få øyremerke og GPS-sendarar på 16 dyr.

Skogbrukssjef Asle Johan Bergseth Konnerth er Stranda Viltnemnd sin kontaktperson i prosjektet, vere kjentmann og vise Bioforsk stader der det er sjanse til å finne dyr. Konnerth fortel at målet med merkinga er å få innsikt i hjorten sitt bevegelsesmønster for å kunne vurdere om bestanden og avskytinga er fornuftig.

Nokre dyr er stasjonære, andre vandrar over større områder. Konnerth fortel at av dei som vart merka i fjor har to koller, ei i Strandadalen og ei i Hundeidvik vore stasjonære medan to koller i Liabygda har vandra heilt inn til grensa mot Rauma.

Dyr som skal merkast blir bedøvd med giftpil frå luftgevær. Bedøvinga kan vare opp til ein time. I den tida blir det teke ut fleire prøver av hjortedyret som blodprøve og hårprøve, og det blir målt storleik.

Merkeprosjektet er inne i andre året. For fyrste gong er det denne veka merka dyr i Sunnylven, to koller på Hauge og ei kolle på Stadheim . Alle, også ein merka bukk i Strandadalen har fått øyremerke og GPS- sendar på seg. Om nokre dagar kan desse dyra sitt bevegelsesmønster føljast på internett.

Prøv: www.hjortmerk.no