«Nyar opp» gamalt skulehus

Ei gamal og tidsrett fyllingsdør er på plass inn til den gamle skulestova. Eit strøk måling manglar enno.

Ei gamal og tidsrett fyllingsdør er på plass inn til den gamle skulestova. Eit strøk måling manglar enno.

Nye utbetringar og detaljar har kome på plass i det gamle skulehuset på Hellesylt. Ei gamal fyllingsdør er på plass og vedomnen blir sett i stand.

Foreininga Gameskulens Aktivitetsmuseum eig det gamle skulehuset på Hellesylt frå 1898. Måndag 20 april er det årsmøte i foreininga og møtestad er i den gamle skulestova. Då reknar styret med at våren er komen til Hellesylt, men skulle det framleis vere kjøleg i veret blir ikkje det eit problem. Den gamle vedomnen blir i desse dagar sett i stand og både skorstein og omn er godkjent for bruk, får vi opplyst.

Også andre detaljar i skulestova blir tilbakeført til gamal stil. Ei kryssfinerdør er skifta ut med fyllingsdør frå eit eldre bygg. To andre fyllingsdører skal også på plass etter kvart.

I fjor vart deler av skulebygget måla utvendig. Dette arbeidet er planlagt å fullføre i år når litt råteskada veggkledning og nokre glasliste er skifta.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380