Rotvelte over turveg på Ljøen

Fleire digre seljetre sperrar turvegen til Ljøkaia.

Fleire digre seljetre sperrar turvegen til Ljøkaia.

Fleire store lauvtre har velta over Den Trondhjemske postvei på strekninga frå Nedre Ljøen til Ljøkaia.

Om lag halvvegs mellom Nedre Ljøen og Ljøkaia ligg ei stor rotvelte med fleire tre og sperrar over den populære turvegen. Det er ikkje lett å kome forbi, underteikn måtte ta i bruk både lav åling og klatring. Ingen andre skader var synlege etter vegen ned til Ljøkaia.

Det må nok kyndig mannskap med motorsag til for å fjerne dei store seljetrea som har stubba, truleg for ei vindkule. At det er i Landskapsvernområde hindrar vel ikkje at skogen vert saga og rydda vekk etter den populære turvegen.

Den Trondhjemske postvei til Ljøkaia ligg innafor Landskapsvernområde

Den Trondhjemske postvei til Ljøkaia ligg innafor Landskapsvernområde

Sjølve vegen er ikkje skada, men trea sperrar effektivt.

Sjølve vegen er ikkje skada, men trea sperrar effektivt.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380