Etter ti-år med same tivoli blir det i år eit «sceneskifte» på grusbana under Hellesyltdagane. Dit kjem Bergstrøms Tivoli.

I år riggar Bergstrøms Tivoli på grusbana under Hellesyltdagane. Det vart opplyst under planleggingsmøtet onsdag. Tivoliet vil vere på plass i god tid før festivalhelga 3. til 5. juli.

Med 75 års erfaring gjennom fire generasjonar har svenske Bergstrøms Tivoli blitt ein glad forlystingsplass for store og små leikeglade. Det er berre å glede seg til Hellesyltdagane.