Her kjem ein ny sætrestøl frå Audun Brekke Fjeldheim si mastergradoppgåve. Bygdastølen i Moldskreddalen var sommarsæter til gardane på Korsbrekke.

Av Audun Brekke Fjeldheim

BYGDASTØLEN

Nord: 6891350

Aust: 386500

Høgde: 480 moh

LANDSKAP

Bygdastølen ligg saman med Ringdalstølen og Moldskreddalen inst i

Sunnylvsmoldskreddalen. Den inste delen av dalen utgjer eit lukka landskapsrom, der

Hesten er eit viktig landemerke. Stølen er den inste av sætrane i dalen og ligg i ei

sørvend helling vis-à-vis Ringdalstølen.

VEGETASJON

Vegetasjonsbiletet er dominert av gras og lyngtuer. På delar av sætra er det fuktige

myrdrag. Området har stort beitetrykk, sidan det framleis er sæterdrift i dalen, noko

som gjer at gjengroing ikkje er nokon stor trussel, men stadvis har det likevel kome

opp litt einer og lauvtre. Kring bygningane som er inngjerda veks det gras som skil seg

meir ut i vegetasjonsbiletet.

BYGNINGAR OG KULTURMINNE

På stølen står det i dag seks sel som i dag er bygde om til fritidsbustader. Dei ligg tett

samla og er gjerda inne. Alle er i god stand og ligg i eit spesielt mønster med lik

møneretning. I tillegg finst her murar etter seks andre bygningar – tre av desse ligg

utanfor inngjerdinga. Litt lenger sør ligg tufter etter endå ei bygning og vest for stølen

ligg delar av ein gamal steingard. Ein kan òg sjå delar av ein steingard som truleg har

gått frå elva, ca 200 meter sør for sætra, innover mot sørvest

VURDERING middels verdi

Sætra viser seg i dag meir som eit lite hyttefelt og er den av sætrane i dalen med minst

grad av autentisitet. Likevel er bygningsmiljøet harmonisk og ligg fint til i landskapet.

Strukturen på sætra er spesiell, men dessverre er ikkje sætervollen spesielt tydeleg i

landskapet.

MULIGHEITER middels potensial

Sætra er lett tilgjengeleg langs bilveg frå Ringdal, og ligg i eit flott område med mange

aktivitetsmuligheiter. Dalen har truleg eit stort utviklingspotensiale, både på grunn av

at her er sæterdrift, og på grunn av det flotte landskapet med sine turmuligheiter. All

utvikling i området må vurderast med omsyn til dei to andre sætrane.