Bølsøy i gong på turistruta
Fredag 1. mai starta gamle, gode Bolsøy på ein ny sesong som turistferje mellom Hellesylt og Geiranger.
Med flagg og vimplar svaiande i ein kjøleg vårbris var turistferja Bolsøy tilbake i ruta på Verdsarvfjorden. Kanskje enno meir staseleg enn tidlegare, nymåla i svart og kvitt, men i nytt selskap og med nye billettprisar. Den flotte båten bygd i 1971 segler no i The Fjords, det nye selskapet som skal stå for trafikken og frakt av bilar og passasjerar mellom Hellesylt og Geiranger. Også mannskapet var mykje nytt, i alle høve på opningsdagen der eit par bussar og 5-6 privatbilar var med på andre tur til Hellesylt.
Vegen over Geirangerfjellet er ikkje opna, men brøyting pågår På fjellet er der mykje snø, kom det fram i reportasje i NRK nyleg. Når vegen blir opna for trafikk er framleis uvisst.