Helsetsætra
Alle bilete er tekne i 2008.
HELSETSÆTRA
Nord: 6881200, Aust: 395450, Høgde: 743 moh.
LANDSKAP
Sætra er veldig lita, og ligg heilt frampå kanten av Liadalen, som er ein hengande dal
nord for Hole i Sunnylvsbygda. Helsetsætra ligg vend mot eit stort landskapsrom som
består av dalen sørover inn til Nedstevatnet, samt inngangen til Frøysadalen i vest.
Middagsnibba markerer seg i dette rommet.
VEGETASJON
Gras, lyngtuer og bregnar dominerer vegetasjonsbiletet, som er frodig og mangfaldig. I
nord går vegetasjonen gradvis over mot fjellvegetasjon, mens frå sør kryp
bjørkeskogen inn mot stølen. Gjengroinga har ikkje kome langt, men er ein trussel
mot sætermiljøet.
BYGNINGAR OG KULTURMINNE
På sætra står det i dag att eitt sel, som er i grei stand og ser ut til å vere i bruk. Ei
gamal løe ligg like ved, men denne er i svært dårleg stand og i ferd med å ramle heilt
saman. I tillegg finst her murar etter to andre bygningar. 400 m søraust for sætra står
det murar etter ytterlegare eitt bygg (mulig vårstøl).
VURDERING lav/middels verdi
Tilgangen til sætra er noko vanskeleg, langs ein bratt, godt merka sti. Plasseringa i
landskapet og utsikta mot sør, legg ei fin ramme rundt sætra, som ikkje har den store
verdien i form av å vise seg som eit sætermiljø. Bygningsforfall og få kulturminne, gjer
at stølen ikkje står fram som spesielt intakt.
MULIGHEITER lite/middels potensial
Næringsmessig har kanskje sætra eit potensiale i samband med turaktivitetar knytt til
fjellområda på sørsida av Geirangerfjorden. Helsetsætra er ein fin inngang til dette
området, der Blomberg kanskje er det mest naturlege målet. Ved eventuell utvikling
må ein ta omsyn til innsynet stølen har frå dalen nedanfor.