KJELLSTADSÆTRA
Om lag fem kilometer inne i Kjellstaddalen ligg sætrestølen for gardsbruka på Kjellstad, omkransa av høge fjell på alle kantar. Dalen er ein grasdal og husdyr spesielt sau har gode beiteområder her.
KJELLSTADSÆTRA
Nord: 6883000
Aust: 380300
Høgde: 500 moh
LANDSKAP
Sætra ligg på sørvestsida, langt inn i Kjellstaddalen. Dalen utgjer eit eige landskapsrom
med bratte fjellsider, og Trollaksla er eit viktig landemerke. Området har flott utsikt
både mot fjella innover i dalen og mot Tronstaddalen som ligg vis-à-vis
Kjellstaddalen. Sjølve stølen er middels stor og ligg på ein slak rygg som kjem fram i
dalen frå sørsida.
VEGETASJON
Det som truleg har vore sætervollen, dominerast av grasartar, lyngtuer og bregnar.
Her er også litt einer og bjørk, som i stadig større grad vil true kulturmarka.
BYGNINGAR OG KULTURMINNE
I dag finst her berre tufter etter eitt bygg, i tillegg til ein haug med stein som truleg
stammar frå tidlegare bygningar. Øvst på vollen kan ein så vidt sjå restar etter eit
steingjerde, men dette er i stor grad inngrodd i dag. Utover dette er her ingen lett
synlege kulturminne.
VURDERING lav verdi
Tida har viska ut dei fleste spora etter Kjellstadsætra, og området har derfor ikkje særleg
verdi som sæter lenger. Likevel er her nokre interessante kulturminne, som er viktige
å ivareta. Landskapet elles i dalen er variert og urørt, noko som er ein svært verdifull
kvalitet.
MULIGHEITER lite potensial
Området har ikkje noko potensial i samband med å vise fram ein sæterstøl. Ei
utviklingsmuligheit kan vere å byggje opp noko heilt nytt i dette området, men dette
vil truleg krevje stor innsats og store inngrep. Det vil nok vere viktigare at dalen held
fram med å vere eit urørt naturområde.