Nedstevassetra
På rundturen til sætrar i Sunnylven er Nedstevassetra neste stopp, sætrestølen som ligg i fremste enden av Nedstevatnet og like inn til den populære turvegen til Flofjellet.
NEDSTEVASSÆTRA
Nord: 6875300
Aust: 397430
Høgde: 447 moh
LANDSKAP
Stølen er liten og ligg i ei helling ned mot sørenden av Nedstevatnet.
Landskapsrommet er trongt og langstrakt, definert av fjella på aust- og vestsida, og
eidet i sørenden av Nedstevatnet, som er golvet i dette rommet.
VEGETASJON
Kulturmarka er dominert av myr og gras, men ung bjørkeskog pressar seg på og er ein
stor trussel mot stølsmiljøet. Vegetasjonen verkar frodig, men ikkje veldig mangfaldig.
BYGNINGAR OG KULTURMINNE
På Nedstevassætra står det i dag fem bygningar. Her er to nyare hytter, sette opp på
gamle murar, som er i god stand. I tillegg er her to gamle sel og ei løe, men desse er
meir prega av forfall. Utover dette er her ingen tydelege kulturminne på stølsvollen.
VURDERING lav/middels verdi
Sætra er eit viktig element/landemerke i dette flotte, varierte landskapet. Som sæter
har området mista noko av verdien, på grunn av gjengroing og forfall. Her er få
kulturminne, og lite att av kulturmarka.
MULIGHEITER middels potensial
Potensialet til Nedstevassætra ligg truleg i å skape eit tilbod for dei mange turistane
som kvart år går eller syklar forbi stølen, langs Flofjellsvegen. Sal av lokal mat er
kanskje mest aktuelt i denne samanheng, men her kan òg vere eit potensial i å tilby
overnatting eller ulike aktivitetar i området. Godt tilpassa utbygging vil kunne tilføre
sætra noko og forbetre opplevinga av Nedstevassætra som kulturlandskap.