Skulestart 17. august
Skulestart i Stranda kommune for skuleåret 2015/16 er måndag 17. august. Det melder kommunen på si nettside.
Ved Sunnylven skule blir elevtalet om lag som siste skuleår. 11 elevar var ferdig med ti-årig grunnskule i juni, og 10 nye elevar kjem til i fyrste klasse i august.
Ved skulane Sunnylven, Ringstad, Geiranger og Stranda ungdomsskule startar skuledagen kl. 08.30, medan Liabygda skule tek til 08.15.
Skuleskyssen går i hovudsak som tidlegare, men med nokre små endringar, står det å lese på kommunen si nettside.