Veteran mellom deltakarane frå Sunnylven skyttarlag, Oddmund Fivelstad skaut seg til finalen på 100 meter bane under Landsskyttarstemnet på Lesja.

Oddmund Fivelstad var mellom deltakarane frå Sunnylven skyttarlag under Landsskyttarstemnet på Lesja nyleg. Den røynde skyttaren som konkurrerer i V 73 viste at han framleis meistrar sporten og kunne vende heim med sterke plasseringar og premie.

Oddmund Fivelstad kom til finalen i 100 meter baneskyting etter å ha opna med 249 på 25 skot. På omgangen vart det 99 og sluttsum 348. Det gav 26. plass i V 73, eller best av alle frå Sunnmøre som deltok i klassa.

Fivelstad deltok også på feltskyting og fekk 29 / 18 som resultat. Det gav 85. plass og lite beger i premie.