Sunnylven IL stilte talrikt i motbakkeløpet Saudehornet rett opp i Ørsta laurdag. Raskast av Sunnylven sine sju var Kari-Anne Tryggestad Ryste.

Sunnylven IL markerte seg godt i motbakkeløpet Saudehornet rett opp i Ørsta laurdag, både med mange deltakarar og sterke sluttider. Aller best gjorde som venta Kari-Anne Tryggestad Ryste det. Ho gjorde unna dei 1303 høgdemeterane på 1.19.05 som gav sjette plass i damer uansett klasse.

Også mange unge frå Sunnylven IL kleiv motbakkane godt med 2.5 kilos ryggsekk. Fleire av dei er lovande skiskyttarar som tydeleg vis satsar på å bygge forma fram til vintersesongen med tung trening, som motbakkeløpet i Ørsta laurdag. Det har vi tru på og gjer oss spente før vintersesongen.

Med heile sju på start som alle fullførte var Sunnylven IL mellom klubbane med flest deltakarar.

Anita Håkenstad Evertsen, Østre Slidre IL vann dameklassa som talde 21 løparar på 1.04.08, og Erling Hisdal IK Tjalve var sterkast mellom 70 herreløparar på 55.30.

(Alle foto: Wenche Høgalmen Ringdal)

Resultat Saudehornet rett opp: http://www.saudehornet.no/PDF/SRO_2015_Resultatliste_Klasse.pdf