Komande laurdag blir det eventyrstund for store og små i Peer Gynt Galleriet på Hellesylt. Dit kjem forteljar Guri Aasen som driv verksemda «Vestafor Måne».

Forteljar Guri Aasen (60), opphaveleg frå Hovdebygda held til i Fosnavåg. I mange år har ho reist rundt og formidla opplevingar med sin forteljarkunst. Repertoaret spenner frå kulturhistorier basert på lokalhistorie, segner, legender og folkeeventyr, til forteljingar frå norrøn og gresk mytologi.

Komande laurdag kjem Guri Aasen til Peer Gynt Galleriet på Hellesylt med «Vestafor Måne», ein eventyrtime for store og små med innhald om tussar og troll, sagntradisjona og mytologi.

Med kulisser frå Oddvin Parr sine Peer Gynt-relieff med både Dovregubben og Bøygen til stades vil dette bli ei sjeldan stemningsfull forestilling i kunstgalleriet.

-Gler meg veldig til å fortelje eventyr i Peer Gynt Galleriet på Hellesylt med Oddvin Parr sine mektige relieff som bakteppe. Meir inspirerande kulisser enn det gjeng vel knapt an å få, innandørs-, skriv Guri Aasen på si facebook-side.

Forteljinga «Troll i ord i galleriet» er laurdag 26. september kl. 14.00. Også kafeen er open med sal av kaffi, kaker, vaflar, is og meir.

Sjå hellesylt.info, aktivitetskalendar