Stranda/Sunnylven møtte Herd i seriekamp på Hellesylt stadion tysdag kveld. Det vart braktap 10-0 (6-0) for heimelaget.

Herd var minst ein divisjon betre enn Stranda/Sunnylven i denne kampen. Men det gjekk likevel tretten minutt før gjestane hadde sikta inn skota mellom aluminiumsstengene. Deretter kom det fem nye skåringar i løpet av femten minutt og det stod 6-0 til Herd ved pause.

Heimelagt var aldri fårlege for gjestane i blått og kvitt, det meste dreia seg om å forsvare seg i fyrste omgang. Sandra Kammen hadde sjansen på slutten av fyrste halvdel, men heedinga etter frispark gjekk over mål.

To-sifra til slutt

Andre omgang vart som fyrste, Herd spela ball medan heimelaget forsvara seg heroisk, og storskårar til Stranda/Sunnylven, Kirsti Frøysadal Hauge vart åleine mot tre, fire ballsikra damer i Herd-forsvaret. Det vart i staden gjestane som auka leiinga og før domar Jonny Dyb, Godøy IL bles for full tid var fire nye skåringar til by-laget registrert på lystavla, to av dei kom heilt på slutten i løpet av to minutt tilleggstid.

Herd var best og blir nok serievinnar 3. divisjon kvinner på Sunnmøre i år.

Stranda/Sunnylven stilte dette laget: Lillian Aasheim, Ingeborg Opshaug, Vilde O. Hjelle, Andrea Lie Kirkhorn, Hanne Vangen, Christina Holmberg, Amalie Birkhol, Sofie Sve, Sandra Kammen, Emilie Brekke, Kirsti Frøysadal Hauge.

Innbyttarar: Hanne Gjærde, Linn Kammen, Anne Lise Lødøen Helset, Silje Stadheim, Hege Ringdal