Natt til søndag 25. oktober er det slutt på sommartid for i år. Klokka skal stillast ein time tilbake.

Sommartid vart fyrste gong innført av Tyskland i 1916 ved å stille klokka ein time fram om våren. Året etter gjorde Norge og fleire andre Europeiske land det same. Årsaka var at ein fekk ein time ekstra lys på sommarkveldane.

I år vart klokka stilt ein time fram i mars og søndag 25. oktober skal den stillast tilbake frå 03.00 til 02.00.

Det er ikkje alltid like lett å huske kva veg klokka skal stillast. Ein god regel kan vere at det alltid er mot sommaren, fram om våren og tilbake om hausten.