Arrangøren av juletombolaen til Sunnylven skulekorps fekk lodda ut mesteparten av dei 650 gevinstane fyrste søndag i advent.

Mange tok turen til Sunnylven samfunnshus søndag der økonominemda i Sunnylven skulekorps arrangerte sin årlege juletombola.Her var det også høve til å kjøpe kaffi og kaker. Resultatet av tombolaen vart bra, men Rolf Fivelstad i økonominemnda var ikkje heilt fornøgd med resultatet.

-Det var bra frammøte på tombolaen, men mindre enn i fjor og enno mindre enn året før då alle gevinstar gjekk ut. Denne gongen løyvde vi ein del, så når det blir nissespeling i Hellesylt sentrum laurdag 12. desember vil vi selje snurrelodd for å få ut resten av gevinstane. Vi treng all den støtte vi kan få så vi håper folk vil prøve vinnarlukka også den dagen, sa Rolf Fivelstad.

Ferre pepperkakehus

Også i år var det utstilling av pepperkakehus under juletombolaen, nokre ferre enn i fjor. Tre av dei fjorten bidraga vart premierte og vinnarar etter loddtrekning vart;

Markus og Johan Marius Alme, Kristen og Ane Brenne Ringdal og Kai Adam, Sverre Martin og David Røyrhus.