Sekundsiger i sonerenn

Fire av fem deltakarar frå Sunnylven IL, frå venstre Kasper, Inga Elise, Kristine og Inger. Elias Helset var reist heim tidlegare.

Fire av fem deltakarar frå Sunnylven IL, frå venstre Kasper, Inga Elise, Kristine og Inger. Elias Helset var reist heim tidlegare. (Foto: Privat)

Kristine Hjellbakk Hole sikra seg sigeren med minst mogleg margin i sonerennet som Liabygda IL og Stordal IL arrangerte søndag.

Grunna snømangel måtte Liabygda IL og Stordal IL sitt sonerennet i langrenn flyttast frå Stavsengfjellet til Langsætra på Overøye i Stordal. Vel 60 løparar frå 8 år og yngre til senior stilte til start.

Mellom dei var fem frå Sunnylven IL, og der gjorde Kristine Hjellbakk Hole det aller best med siger i jenter 13 og 14 år. Men sigeren over 3.0 km. fellesstarten i fristil var minst mogleg. I mål var ho eitt sekund føre Lone Lorgen Øvrebust, Stordal IL. Det vart nok for lite bakkar for Kristine i løypene på Langsætra.

Elias Helset i gutar 11 og 12 år gjekk 2.0 km. og vart nr. 5. av ni deltakarar. Kasper Ringdal går i gutar 15 og 16 år og vart nr. 3 på 6.0 km. På same distanse måtte Inger Ringdal Sæter i jenter 15 og 16 år sjå seg slått av Vilde Lorgen Øvrebust, Stordal IL.

Andre plass vart det også på Inga Elise Vik, bak Martine Lorgen Øvrebust, Stordal IL i damer 17 år og eldre som gjekk 9.0 km.

Resultat sonerenn LIL og SIL 030116

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380