Det var leik og stor stemning i Sunnylvsbygda grendahus fredag. Der inviterte Fjellrosa 4H til karneval.

-Vi inviterer til karneval for å skape hygge og moro for born, både for medlemane i 4H-klubben og andre. Det blir eit sosialt tiltak der alle kan leike i lag. Det sa dei to rådgjevarane i Fjellrosa 4H, Silje Stadheim og Ester Kjellstadli. Vi stakk innom og såg at det var eit retteleg trivselstitak. Det skulle vare i to timar og i den store salen var det discotek og sal av sjokolade, popkorn og andre go`saker frå kiosken.

Rundt om i lokalet sveiv born frå 1. klasse og oppover i fantasifulle påkledningar, alt frå hekser, klovnar, prinsesser, ein cowboy og ein riddar og enno meir. Beste kostyme skulle premierast fekk vi oss fortalt. Jury  var styret i 4H-klubben, Johanne, Ole Iver, Emil, Elias og Ottar, men dei fekk ingen lett jobb, trur vi.

Fjellrosa 4H har i år 22 medlemar. På karnevalet var rundt 35 så kanskje blir det fleire nye medlemer etter kvart. Og i Fjellrosa 4H er det planlagt meir moro alt. Søndag 13. mars er det akedag med servering på garden hos Ester Kjellstadli. Ho garanterer godt akeføre, men skulle snøen vere borte, blir det anna moro, lova Ester.