Inger Ringdal Sæter gjekk fort i løypa og sikra ein ny siger i skiskyting søndag. Også fleire unge skiskyttarar frå Sunnylven IL gjorde det skarpt på Ålandsleite.

Løparar frå Sunnylven IL deltok i skiskyting på Ålandsleite i Nordfjord og fekk fleire fine plasseringar.

Nikoline Frøysa Hellebostad leverte eit flott renn på Ålandsleite med god fart i løypa og 8 treff. Løparar i nybyrjarklassa vert ikkje rangerte på premielista.

Elias Helset gjekk inn til 4. plass i G 11, etter åtte treff og berre to sekund frå ein pallplass.

Sofie Støverstein gjekk inn til ein flott andre plass i J 11, ho skaut også til Ugle etter fullt hus og 10 treff på liten blink.

Lone Ringdal gjikk også i J 11 og vart nr 7 i klassa etter 7 treff.

Johanne Ringdal Sæter kom på 6. plass i J13. På skytinga vart det 3 treff.

Kasper gjekk inn til 4. beste tid i klasse G15. seks sekund frå ei pallplass med 5 treff.

Inger Ringdal Sæter vann i klasse J 16 med 13 sekunds margin ned til nr. 2. Ho hadde 5 treff.

Rennet gjekk under fine ski og skyteforhold.

(Alle foto: Jostein Ringdal)