I morgon måndag kjem tre cruiseskip innom Hellesylt. Monarch med 2600 passasjerar ligg ved Hellesylt kai i meir enn fem timar.

Fire turistbåtar seglar inn Verdsarvfjorden til Geiranger måndag, tre av dei kjem innom Hellesylt. Fyrste til Hellesylt kai er Costa Favolosa med 3800 passasjerar om bord i fylgje cruiselista. Mange av dei får tur «over land» til Geiranger. Dit kjem også Berlin i ni-tida og set kursen ut Storfjorden igjen etter fem timar i turistbygda.

Til Hellesylt kjem Monarch klokka 11.30 og blir ved kai til rundt klokka 17.00. Båten har 2600 passasjerar om bord så folketalet vil vekse i Hellesylt sentrum måndag. Også Ocean Majesty med sine 620 passasjerar er innom Sunnylvsfjorden midt på dag 27. juni.