Sunnylven IL sine seks deltakarar i Postvegløpet med Markane IL som arrangør gjorde det knallbra. Totalt tre klassesigrar, ein andreplass og to sjetteplassar på resultatlista.

(Alle foto: Hans Hole, MMS)

14 år gamle Kristine Hjellbakk Hole går frå sigrar på ski til det same i joggesko. Nyleg viste ho alle konkurrentar ryggen i dameklassa under Konradløpet i Velledalen, og denne veka vann ho dameklassa suverent under Postvegløpet i Markane på sterke 26.51.

Sunnylven IL hadde med også fleire som gjorde det skarpt i løpet som var det fjerde i den såkalla Nordfjordkarusellen. Anniken Hjellbakk Hole vann si klasse 19 – 34 år på 27.41. Vann gjorde også Hege Ringdal i 16 – 18 år på 28.17 med Inger Ringdal Sæter på andre plass, 31.41.

Johanne Ringdal Sæter i 13-15 kom i mål til 6. plass og 38.01, og Per Ingebrigt Karbø i 50-59 år fekk same plassering og sluttid 29.46.

Sjå meir her: http://www.kondis.no/skjoelberg-sigra-i-markane.5880500-127676.html