Løyperekord av Sara Sæter

Vinnar i jenteklassa under Hellesyltløpet, Sara Sæter på veg mot mål og ny løyperekord.

Vinnar i jenteklassa under Hellesyltløpet, Sara Sæter på veg mot mål og ny løyperekord.

Sara Sæter heldt stor fart i jenteklassa gjennom den 1600 meter lange løypa i Hellesyltløpet. Det vart ny løyperekord.

Det gjekk fort under Hellesyltløpet. I herreklassa vart det ny løyperekord ved Joar Thele, Lyn ski, men også Sara Sæter frå arrangørklubben rasa inn til ny rekord i jenteklassa.Sluttida 5.38 var ti sekund betre enn den gamle som tilhøyrde Eline Bentsen, IL Vinge. Sara Sæter har gjort unna den 1600 meter lange løypa på god tid også tidlegare. I fjor kom ho i mål på 5.57. I alt 22 jenter deltok i klassa.

Vinnar i guteklassa, Kristian Frøysadal Hauge mot mål i stor fart, litt for stor for fotografen.

Vinnar i guteklassa, Kristian Frøysadal Hauge mot mål i stor fart, litt for stor for fotografen.

Arrangørklubben Sunnylven IL kunne også notere siger i klasse gutar under Hellesyltløpet 2016. Kristian Frøysadal Hauge gjorde eit flott løp i duskregnet og vann på 5.11, to sekund føre Eskil Linge Glomnes, Valldal IL. Det deltok 26 gutar i klassa. Løyperekorden i guteklassa tilhøyrer Gaute Bø, Markane IL frå 2013 og er på 4.41.

Sara Sæter frå Sunnylven IL, ei flott idrettjente som vi trur kan gjere det godt også utanom heimbygda.

Sara Sæter frå Sunnylven IL, ei flott idrettjente som vi trur kan gjere det godt også utanom heimbygda.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380