Sunnylven IL stilte med to deltakerar i fjelløpet Melen Opp som vart arrangert i Fræna. Det vart klassesiger og andre plass.

Hege Ringdal og Kasper Ringdal, begge Sunnylven IL deltok i fjelløpet Melen Opp i Fræna søndag 14. august. Begge sprang i klasse 12-19 år der Hege vant si klasse og vart nummer tre totalt av alle kvinner. Kasper vart nummer to i sin klasse.

Det var fine forhold under løpet med litt skodde på toppen då dei fyrste gjekk i mål, men den letta etter kvart.

Melen Opp var det 4. av 6. løp i Sparebanken Møre sin motbakkecup. Løpet var ca. 6,5 km lang og med 769 høgdemeter. Starten var på Bryn stadion og målgang på toppen av fjellet Melen.