99 cruiseskip til kai

Onsdag kjem MS Marco Polo som siste cruiseskip til Hellesylt og Geiranger i år. Her ved kai i Bergen. (Foto: Wikipedia)

Onsdag kjem MS Marco Polo som siste cruiseskip til Hellesylt og Geiranger i år. Her ved kai i Bergen. (Foto: Wikipedia)

Onsdag kjem Marco Polo som siste cruiseskip, fyrst til Hellesylt og deretter til Geiranger. Skipet legg ikkje til ved Hellesylt kai, men tendrar passasjerar til land.

Cruiseskipet Marco Polo kjem til Hellesylt mellom klokka 07.00 og 08.00 onsdag. Skipet legg ikkje til ved Hellesylt kai har det gjeve beskjed om. Av 122 påmeldte anløp til Hellesylt la 99 av dei til ved Hellesylt kai denne sesongen, fortel driftsleiar i Stranda Hamnevesen KF, Inge Hole.

Mange store skip

Også 2017 teiknar til å verte ein god cruiseskip-sesong for Hellesylt og Geiranger. I slutten av september er det påmeldt 111 anløp til Hellesylt og 176 til Geiranger. Og cruiseskipa er store, for ei rask teljing viser at 95 av dei er 260 meter eller lenger. Av dei rett store blir det sju anløp av MSC Fantasia, og MSC Preziosa kjem fem gonger innom Hellesylt og Geiranger. Begge skipa har ei lengde på vel 333 meter.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380