Flott innsats på Saksa Opp.

Hege og Kasper deltok på Saksa Opp på Halsa i går. Dette var også siste løpet i Sparebanken Møre Motbakkecup. Forholda var våte og tunge. Det var regn i låglandet, sludd i midtpartiet og snøv på toppen melder arrangøren! Trass i dette var det 3 kvinner som slo den gamle løyperekorden.

Mari Fasting frå Halden vart den suverene vinnaren på kvinnesida, ho er landslagsløpar i orientering og har delteke i VM. Ho sprang på 47.59 og slo den gamle rekorden for kvinner med nærare 7 minutt.

Hege vart nr 2 blant damene uansett klasse og vinnar av Sparebanken Møre Motbakkecup for damer Junior sammenlagt. Ho sprang inn på den sterke tida 54.20.

Kasper vart nr 3 i juniorklassa og nr 2 samanlagt i klasse i Sparebanken Møre Motbakkecup.  Vinnar av løpet i går i denne klassa vart Njaal Lundemo Aakvik frå arrangørklubben Halsa IL.

Ola Berger frå Trondheim Randoneeklubb vann herreklassa med 43.52.

Les meir om løpet på arrangøren si heimeside: http://www.halsail.no/blog/post/93514/resultater-saksa-opp-2016—oppdatert?ispage=true

Alle foto: Privat.