Mange pensjonistar var til stades under adventsstunda på Sunnylven omsorgssenter laurdag, også fleire pårørande.

Jul er tradisjon og ein av dei held Sunnylven sanitetslag vedlike ved å invitere bebuarane ved Sunnylven omsorgssenter til adventsstund med servering og innslag med underhaldning fyrste helg i advent. Laurdag hadde sanitetsdamer dekka opp i ei varm og pynta daglegstove  ved «heimen». Her med dei fleste av bebuarane til stades vart det servert smørbrød med godt pålegg og sjølvsagt blautkake og kaffi.

Dei 17 musikantane i Sunnylven skulekorps var påtinga og kom innom og gjorde det ekstra triveleg. Korpset spele fire av dei kjente julesongane, og som takk for at dei stilte på og gledenok ein gong, fekk korpset overrekt ein gåvesjekk frå sanitetslaget.

Sunnylven skulekorps framførar her «Deilig er jorden».