Kristine Hjellbakk Hole, Sunnylven IL stiller til start under andre renn i SBM-Cup 2017 ved Skaret skisenter, Molde.

Laurdag 7. januar inviterer Molde og Omegn Idrettsforening til Nyttårsrenn og andre renn i Sparebanken Møre Cup 2016/17. Langrennet ved Skaret skisenter går i klassisk stil, alle klasser og normaldistanse.

Langrennsbygda Sunnylven IL stiller med berre ein deltakar. Det er Kristine Hjellbakk Hole som er påmeldt i jenter 15 år over 5.0 km. Rennet på Molde er det andre i SBM-Cupen 2016/17. Det fyrste var Trollstigen Opp i september der Kristine var suveren i si klasse. Distansen på 5.0 opp bratta gjorde ho unna på 28.37, 1.40 minutt føre neste løpar i same klase.

På snø tidlegare i vinter har det blitt nye sigrar både på Bjorli og i Rindal. Om det klaffar med ski og smurning på Molde laurdag kan det fort bli enno ein siger for Sunnylven IL sin beste langrennsjente.