Ungdommens kulturmønstring i Stranda vart arrangert i Storfjord kulturhus søndag 5. februar. Rundt 40 ulike innslag vart presentert for juryen.

I Stranda var det kulturskulen som var arrangør av UKM 2017. Det vart ei flott mønstring med bidrag som foto, song, musikk, og ande sceneinnslag.

Frå Sunnylven gjekk både Anna Kristine Storstein Forbord og Hanna Sætreås Kristoffersen vidare til fylkesmønstring i Misundhallen, Misund kommune frå 31. mars til søndag 2. april..

Begge vedgår at dei var både spente og litt nervøse før opptredenen i Storfjord kulturhus. Anna har vore solist mange gonger med ungdomskoret Joyful, men å stå åleine på scena og synge var fyrste gongen. Men det gjekk bra, det vart avansement til fylkesfinalen.

Hanna stilt ut grafikk, eit trykk som ho hadde laga på eit kurs som ho hadde gått. Ho har ikkje utstyr til å lage slike bilete heime enno, fortalde ho. Kanskje kjem det snart, for ho tykkjer grafikkarbeid er artig og spanande. Biletet var ein båt i storm, difor fekk det også namnet «Storm».

Desse går vidare frå den lokale UKM-tevlinga i Stranda til fylkesmønstringa.

Kunst: Ida Mari Lied med bildet «Auger».

Hanna Sætreås Kristoffersen med bildet «Storm».

Sceneinnslag: Bandet S.M.J.U.T med låten «How to save a life»,

Simon Brune med songen «Dancing on my own»,

Anna Kristine Storstein Forbord med songen «Toxic».