Fredag 1. september blir det Quiz på Peer Gynt galleriet, Hellesylt. Spørsmåla blir frå den nære fortid, seier quiz-master Arild Ringdal.

Fredag 1. september er fyrste jaktdag for alle hjortejægerar. Arrangøren har kalla kunnskapstesten for hjorte-quiz og håper at også dei ivrigaste jægerane møter fram på Peer Gynt galleriet og blir med på haustens fyrste quiz.

Arild Ringdal og Egil Røyrhus kjem med 40 spørsmål i to bolkar, vanleg allmennkunnskap og frå den nære fortid, lovar dei. Ingen treng vere ekspertar på noko for å delta, seier Ringdal. Det blir spørsmål om sport, geografi, musikk og sjølvsagt politikk etter som Stortingsvalet nærmar seg. Dørene opnar kl. 19.30 og Quiz-en startar kl. 20.00.

Arild Ringdal seier at ein tek sikte på å arrangere to Quiz-kveldar til ved Peer Gynt galleriet i år. Ein i haustferieveka rundt 10-15 oktober, og ein i jula. Datoar er ikkje bestemt, men blir kunngjort på hellesylt.info.