Laurdag 9. desember er Gamleskulen på Hellesylt open for innsteg med utstilling, sal av lodd, kaffi, saft og kaker.

-Vi fyrer i omnen og kveikjer ljos, stiller ut gamle julekort og nissar, lovar leiinga i Gamleskulen aktivitetsmuseum som komande laurdag inviterer på førjulstreff i den gamle skulestova. Også lenkjer med julepynt laga av mellomsteget ved Sunnylven skule er hengt opp og pyntar lokalet.

Opningstida på Gamleskulen laurdag 9. desember er 12.00 til 15.00.