Eit gamalt biletet frå Høgreiten viste bygningar som i dag er borte. Liv Jorunn Sporstøl har ein planke av låvebygget som stod oppe på den vesle flata høgt over Hellesylt sentrum.

For litt sidan viste vi på hellesylt.info eit bilete av Kirkebakken og Høgreiten med dei gamle husa. Biletet var blyantteikning av O. Brekke.

Husa på Høgreiten er borte no, men ein planke av treverket eksisterer. Då husa heldt på å ramla ned tok Liv Jorunn Sporstøl vare på ein planke av låvedøra. Bestemor henna Lovise budde der som ung, ei fjøl der også dørkroken er med. -Ho har nok løfta på kroken og gått inn og ut låvedøra mange gonger, seier Liv Jorunn om fjøla som er ein kjær eignalut ho har hengande i gangen heime. -Elles har er berre ein liten fløytemugge til minne frå bestemor mi, seier Liv Jorunn og smiler. På trefjøla er det skore inn med kniv diverse bokstavar og ein båt med segl.

Bestemor Lovise var oppvaksen på Høgreiten og budde der til ho gifta seg fram til Tryggestad. Seinare flytta ho på aldersheimen på Hellesylt der ho levde til ho vart 101 år gamal.