I Sunnylven har Hellesylt Næringslag ein større aksjon for utsiktsrydding. Også musikantar i Sunnylven skulekorps har teke del.

Næringslaget har delt ut områder til fleire ansvarlege personar. Knut Dag Langeland har fått ansvar for å leite fram utsikta igjen på begge sider av Hellesyltfossen. Langeland har starta arbeidet og alliert seg med musikarar i Sunnylven skulekorps til å samle saman småskogen.

hellesylt.info har fått tilsendt bilete som viser at det nyttar å rydde, då kjem både fossen og andre kulturbygg til syne. Det fyrste biletet viser området slik det såg ut vår/haust 2017, og det neste etter rydding. Då var både dugnadssjef og arbeidarar verd å få litt servering, pølse med brød og brus.