Elvepadling under X2Festivalen

Bygdaelva i Steimsåsane er klar til å ta mot elvepadlarar.

Årets X2Festival startar opp torsdag 19. april med underhaldning og sportsaktivitetar. Sunnylven får truleg besøk av elvepadlarar laurdag 21. april.

Ut frå programmet blir det berre ein dag med X2-sport i Sunnylven i år, for Loen har kapra både Speedflying, XBase og Skydiving. I Loen gjer Skylift det lett å kome seg til fjelltopp for å drive desse sportsaktivitetane.

Men vi hugsar tilbake med glede på 2016 då dei tre nemnde sportane foregjekk frå fjellområdet Helsetkopen midt i Sunnylvsbygda i strålande ver. Då måtte ein bruke helikopter, men det vart ein opplevingsrik dag for mange med masse publikum innafor eit lite geografisk område.

I år blir det truleg elvepadling i Bygdaelva i Steimsåsane. No er vinteren i ferd med å sleppe taket så elva er snart isfri og har det elvepadlarane likar, nok vatn og slette svaberg i botnen.

Om det ikkje blir endringar i X2Festivalen sitt program blir det kappestrid i kajakk ned stryka i Steimsåsane laurdag 21. april mellom klokka 11.00 og 18.00.

 

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380