Viser film frå Sunnylven skule

Ordførar Jan Ove Tryggestad overrekte diplomane frå Veslefrikk, her til elevar og lærar frå 1. og 2. klasse, og same utmerking til 7. klasse for deira komposisjon. Til venstre Trond Otto Berg.

Mange komposisjonar til Veslefrikkprisen frå Sunnylven skule har kome til finalen. Nyleg var eit filmteam på skulen og fylgde elevar og lærar ein dag. Filmen blir vist nett-tv www.musikkfaget.no  i morgon fredag 13. april klokka 12.30.

Sunnylven skule kom til finalen i Veslefrikkonkurransen med to bidrag i år. Dei siste tre åra har skulen hatt fem komposisjonar i finalrunden til Veslefrikkprisen. Det var imponerande og eit resultat ingen andre skular i landet kunne vise til, sa Trond Otto Berg under grunnskuleveka torsdag, ei faktaopplysing som han fekk med seg heile forsamlinga i stor applaus for. Bidraga vart belønna med diplomar frå Veslefrikkprisen.

Til å dele ut diplom til dei to, 1. og 2. klasse og 7. klasse hadde Kulturskulerektoren henta ordførar i Stranda, Jan Ove Tryggestad. Han var mellom publikum i salen og hadde fått med seg ei fantastisk «Vandring»-forestilling av elevane. Eitt av slagorda til temaet elevane hadde hengt opp på sceneveggen var «Livet er best ute». Det kunne godt vere, i alle fall på ein så fin dag, sa ordføraren. Men med slik underhaldning var det også fint å vere inne i Sunnylven samfunnshus, tykte han.

Elevar og lærarar tok mot diplomane til stor applaus frå dei frammøtte.

Husk sending av film frå Sunnylven skule fredag 13. april kl. 12.30 på www.musikkfaget.no

 

 

 

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380