Poengbøkene frå dei aller fleste trimpostane i Sunnylven er samla inn og nye er på plass. I november blir det premiefest.

Trimgruppa i Sunnylven IL har fått inn dei fleste trimbøkene for å gjere opp status for trimåret 2018. På Coop Marknad på Hellesylt er trimkassa hengt opp for levering av trimskjema med frist for innlevering 30. oktober klokka 20.00. Korleis besøk og resultat av årets fjelltrim er kjenner vi ikkje, men veret var vel upåklageleg, i alle fall i sommar.

Premiefesten for fjelltrimmen er søndag 11. november og saman med yngres fotball.  Og om nokon ikkje rakk ein av dei 26 postane i år så fortvil ikkje. Det er nye trimbøker på plass over alt så alle poengsankarar kan starte ein ny sesong alt no.