Senior herrer møter Herd 3.

I kveld, tysdag 16. oktober kl. 18.30 spelar Sunnylven sitt senior 7-ar lag årets siste kamp. Oppgjøret mot Herd 3 går på Hellesylt stadion.

Haustsesongen for Sunnylven 7-ar senior har enda med både tap og sigrar. Valldal vann på Hellesylt stadion 4-3, vann gjorde også Emblem 6-3, men mot HaNo vart det siger 5-3 og revansj for det knusande vår-tapet.

Stranda var best på Stranda stadion med 4-0, men borte mot Norborg vart det tre nye poeng til Sunnylven etter siger 9-4.

I kveld kjem Herd 3 med same poengsum som Sunnylven (18) på besøk til Hellesylt stadion. Det er årets siste kamp for Sunnylven som kjempar om alt frå andre til femte plass på tabellen.