Fakkeltoget på nyttårsaftan frå Sunnylven samfunnshus til kyrkja er avlyst grunna dårlege vermeldingar. Samling i kyrkja går som planlagt.

-Det kan kanskje ikkje reknast som årets største overrasking, men regn og vind set ein effektiv stoppar for fakkeltoget i kveld. Kom difor rett til Sunnylven kyrkje til kl. 21.00. Vi lovar lun og varm kyrkje og vi skal med tonar og ord prøve å gje ei fin avslutning på året som snart er til ende-, heiter det i ei melding frå Sunnylven sokneråd om det kyrkjelege arrangementet på nyttårsaftan.