Deltek i Junior-NM

Kristine Hjellbakk Hole deltek i sit fyrste junior-NM på Savalen komande helg. (Foto: Privat)

Langrennsjenta Kristine Hjellbakk Hole, Sunnylven IL er mellom fleire hundre deltakarar under junior-NM på Savalen med Tynset IL, Fåset IL og Alvdal IL som arrangørklubbar.

Frå fredag 8. til søndag 10 mars er det junior-NM på Savalen. Her stiller Møre og Romsdal skikrets med 15 deltakarar og hovudleiarar er Pål Bjørn Øvrebust, Stordal og Jan Erik Westerås, Stranda.

Emblem IL er representert med tre deltakarar og fleire klubbar har to. Sunnylven IL stiller med 17 år gamle Kristine Hjellbakk Hole som går skule på Lillehammer. Sist helg var ho heim ein tur og deltok på sprint i Valldal og i turklassikeren Honndalsrennet. Kristine viste god NM-form med siger og beste prologtid uansett kvinneklasse i Valldal, og også i Honndalsrennet gjekk dei 20.0 km. raskt unna på nest beste tid av damene. Om Kristine styrer unna sjukdom og uhell kan vi forvente gode plasseringar av sunnylvs-løparen på Savalen.

Fredag går Kristine 5.0 km. klassisk med start kl. 10.00

Laurdag er det 7.5 km. fristil kl. 10.00

Søndag går krinsstafettar, men kva etappe Kristine skal gå for Møre og Romsdal skikrets er ikkje kjent. Stafetten går over 4 etapper på 3.75 km, to i klassisk og to i fristil.

Deltakarar frå Møre og Romsdal skikrets:

Eskil Glomnes – Valldal IL

Kristine Hjellbakk Hole – Sunnylven IL

Ludvig Vartdal – Emblem IL

Live  Vestre Røkke – Stordal IL

Vilde Lorgen Øvrebust – Stordal IL

Vilde Lange – Vistdal IL

Adrian Flote – Stordal IL

Håkon Bakke Kjerstad – Emblem IL

Mathias Lied – Liabygda IL

Åsmund Jakobsen – Emblem IL

Andreas Hjelle – Hovdebygda IL

Mikkel Gautvik – Molde og Omegn IF

Karsten Andre Vestad – Molde og Omegn IF

Eskil Engdahl – Torvikbukt IL

Sander Engdahl – Torvikbukt IL

 

 

 

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380