Trimgruppa i Sunnylven IL har flytta trimposten som var i Fagredalen, til Vatnedalsreset på overgangen til Stranda-Moldskreddalen.

Råsa til den nye trimposten på Vatnedalsreset er merka, og kasse med trimbok er på plass. Kassa er plassert på stolpane til «skiltklynga» som er der, så den skal vere lett å sjå når ein nærmar seg, melder trimgruppa.

Framleis er der litt snø i råsa like før trimposten, så kanskje er det lurt å vente litt med eit besøk. For tryggaste parkering av bil anbefaler trimgruppa å bruke plass på Bygdastølen.

​.