Martine Rørstad Sand er styrar ved Sunnylven bibliotek.

Sunnylven bibliotek har hatt eit nytt, godt år, og fått inn mange nye bøker, lydbøker og filmar. Utlånet var nesten like stort som året før.

Martine Rørstad Sand er styrar ved Sunnylven bibliotek som har ope to dagar i veka. Ut frå statestikken for 2019 har det vore eit nytt, godt år, og med aktivitet som syner at bygda vil ha og brukar biblioteket. Også fleire kveldar der styret har arrangert lotteri med sal av kaffi, vaflar og kaker har blitt besøkt av mange. Sist tysdag på julelotteriet var over 30 personar innom og støtta og lånte bøker. Styret for Sunnylven bibliotek har Synnøve Sæther, leiar, og Lillian Støverstein og Oddbjørg Stadheim, styremedlemer

Martine Rørstad Sand opplyser at for 2019 har Sunnylven bibliotek registrert 439 nye bøker, lydbøker og filmar, mot 359 nye i fjor. Mange av dei nye bøkene er gåver.

Biblioteket har nesten 6000 bøker, lydbøker og filmar å velje mellom i hyllene . I år har det vore om lag hundre færre lån enn i 2018. Totalt var utlånet om lag 1300 i 2019.

Og hundre forskjellige personar lånte minst éin ting frå biblioteket i løpet av året, der nesten halvparten av lånarane var i aldersgruppa 0-12 år, med aldersgruppene 41+ og 13-19 år på delt andreplass. Det er få aktive lånarar i aldersgruppa 19-40 år, skriv Martine Rørstad Sand, og opplyser vidare;

Aktive lånarar, kjønn: For tida er det om lag 150 bøker som er utlånt, av dei er 50 bøker utlånt av gutar/menn og 100 utlånt av jenter/kvinner.

Mest populære bøker i 2019

For vaksne

Lucinda Riley: Månesøsteren

Edvard Hoem: Jordmor på jorda

Lisa Wingate: Barna fra elven

For barn

Judd Winick: Hilo

Kazu Kibuishi: Amuletten

Jørn Lier Horst: Detektivbyrå nr. 2

Andy Griffiths: Gutta i trehuset

Grøss og gru-serien til Samlaget

Elias og Agnes Våhlund: Håndbok for superhelter

Aaron Blabley: Barske bøller

Malin Falch: Nordlys

Jan Kjær: Taynikma

Kyle Mewburn: Herman Hule

Marius Horn Molaug: Verdens verste fotballag

Dav Pilkey: Kaptein Supertruse