Rundt 50 personar tok turen til Sunnylven kyrkje nyttårsaftan der det var gudsteneste slik tradisjonen har blitt dei siste tjue åra.

Alle foto: Gunnar Fivelstad.

Litt regn og vind gjorde at fakkeltoget frå sentrum om omsorgssenteret til kyrkja vart sløyfa i år. Men til kyrkja i Sunnylven kom fleire, rundt femti unge og eldre, både fastbuande, folk heime i bygda på juleferie, og også frå nabobygder til Sunnylven.

Som vikarierande prest stilte Ann Kristin Langeland på og heldt preika, og vikar på orgel var Gunnhild Overvoll. Ho spela også på piano til songar med Kristin Storstein.