Fjernar trimbøker i tiltak mot korona

I Fedalen (vatnet) har Sunnylven IL ein 5 poengs trimpost som ligg høgt og litt vanskeleg til no. Trimboka blir fjerna også der etter kvart har idrettslaget vedteke. (Foto frå arkivet)

Folkehelsekoordinator Margrethe Fjetland Løvold skriv i e-post til idrettslag at det i samråd med smittevernlege er vedteke å drage inn alle poengbøker på trimpostar, både i fjelltrimmen og på Stikk UT-postane.

Dette er eit tiltaka for å begrense korona-smitten. I Sunnylven ligg ein del fjelltrimpostar høgt og såleis vanskeleg tilgjengeleg no, men også desse blir fjerna etter kvart.

Sunnylven IL drøfta saka på styremøtet i hovudstyret måndag kveld og vedtok der å fjerne bøkene på dei mest besøkte trimpostane: Shellkaia, sendaren på Ringdalen, Åsen/Hellebostadmarka, og etter kvart på fleire når forhold gjer det mogleg. Ein infolapp blir festa på utsida av kassa med denne teksten;

Smittevernlegen i Stranda har bestemt at bøker på trimpostane, inkludert Stikk UT, skal fjernast for å minske smittefare av koronavirus. 

Registrèr turen din på ditt eige Trimskjema som er å få kjøpt på COOP marked. 

Etterkvart håper vi å få til digital registrering. 

GOD TUR! 

 

Fredrik Stadheim

Fredrik Stadheim. epost: fredrik@hellesylt.info Telefon: 900 83 380