Kvelden før skjærtorsdag viste supermånen seg fram. Eit månefenomen som skjer berre fem, seks gonger i året.

Natt til skjærtorsdag 9. april var månen knappe 360.000 km. frå jorda, det nærmaste den kjem i 2020. Ein supermåne er eit sjeldan fenomen. Alt natt til onsdag i påskeveka var månen stor å sjå, men eitt døger etterpå vart det altså supermåne. Månen var då nærare jorda i si bane enn vanleg.

I følgje Wikipedia er ein supermåne 14 prosent større og med kraftigare lys enn til vanleg. Også i resten av påska er månen stor, lyssterk og imponerande å sjå, om skyene held seg vekke då.